ܐܵܬܘܿܪܵܝܵܐ — Assyrian
ܡܲܒܘ݂ܥܸ̈ܐ ܕܥܲܠ ܐܵܗܵܐ ܦܵܬܵܐ ܒ݀ܚܒ݂ܵܫܵܐ ܝ̄ܢܵܐ ܡܲܪܬܝܵܢܘ݂ܬܵܐ، ܡܲܚܫܵܚܝܵܬܸ̈ܐ ܗܲܝ݀ܪ̈ܵܢܸܐ، ܘܦܘ݂ܢܵܝܸ̈ܐ ܩܵܐ ܚܲܕ̄ܟܡܵܐ
(dementia ̄ ܒܘ݂ܩܵܪܸ̈ܐ ܥܝܵܕܵܝܸ̈ܐ ܒܘ݂ܬ ܕܵܝܘܵܢܘ݂ܬܵܐ (ܕܸܝܡܸܝܢܫܵܐ
ܩܵܐ ܒܵܩܲܪܬܵܐ ܒܘ݂ܬ ܕܸܝܡܸܝܢܫܵܐ ܝܲܢ ܩܵܐ ܛܠܵܒܬܵܐ ܕܗܲܝܲܪܬܵܐ، ܩܪܝ݂ ܩܵܐ ܣܘ݂ܪܛܵܐ ܕܗܲܝܲܪܬܵܐ ܐܲܬܪܢܵܝܬܵܐ ܕܕܸܝܡܸܝܢܫܵܐ
ܥܲܠ 500 100 1800.(National Dementia Helpline)
ܐ݀ܢ ܣܢܝ݂ܩܵܐ ܝ̄ܘ݀ܬ ܥܲܠ ܚܲܕ̄ ܬܵܪܓ݀ܡܵܢܵܐ ܩܵܐ ܗܲܡܙܵܡܬܵܐ ܥܲܡ Dementia Helpline ، ܩܪܝ݂ ܩܵܐ ܚ݀ܠܡܲܬ ܕܬܘܿܪܓܵܡܵܐ
131 450 ܩܲܕ̄ܡܵܝܬܵܐ ܥܲܠ (Telephone Interpreting Service) ܒܬܸܝܠܝ݂ܦ̮ܘܿܢ
Transcript
ܢܝܼܫܵܐ ܕܐܵܗܵܐ ܕܝܼ ܘܝܼ ܼܕܝܼ ܝܼܠܹܗ ܩܵܐ ܡܲܕܲܥܬܵܐ ܘܡܲܪܥܲܫܬܵܐ ܕܡܸܠܲܬܲܢ ܐ݇ܣܘܼܪܵܝܹ̈ܐ ܡܘܿܕ݇ܝ ܝܠܹܗ
ܡܲܪܥܵܐ ܕܕܸܡܹܢܫܝܵܐ، ܡܲܪܥܵܐ ܕܡܲܢܫܵܝܬܵܐ ܘܡܲܒܨܲܪܬܵܐ ܕܬܲܚܡܲܢܬܵܐ ܕܠܵܐ ܝܠܵܗ̇ ܕܘܼܙ ܘܠܵܐ ܝܠܵܗ̇
ܟܝܵܢܵܝܬܵܐ ܘܛܪܵܕܬܵܐ ܕܗܘܼܡܵܣܵܐ ܒܘܼܕ ܐܵܗܵܐ ܡܲܪܥܵܐ. carers ܝܲܢ ܬܲܓܒܸܪܵܢܹ̈ܐ ܕܓܵܘ ܚܲܕ ܒܲܝܬܘܼܬܵܐ
ܘܝܵܕܘܿܥܹ̈ܐ ܗܲܡܙܘܼܡܹܐ ܝܢܵܐ ܓܵܘ ܕܐܵܗܵܐ ܕܝܼ ܘܝܼ ܕܝܼ ܒܘܼܕ ܚܲܕܟܡܵܐ ܣܵܒܵܒܹ̈ܐ ܕܡܲܪܥܵܐ ܕܡܲܢܫܵܝܬܵܐ ܘܒܸܫܡܵܥܝܵܐ
ܝܘܸܚ ܩܸܣܲܬܹ̈ܐ ܡܲܦܫܸܡܵܢܹ̈ܐ ܘܚܲܝܘܼܬܵܐ ܕܚܲܕܟܡܵܐ ܒܲܬܘܵܬܹ̈ܐ ܕܐ݇ܣܘܼܪܵܝܹ̈ܐ ܐܵܢܝܼ ܓܵܘ ܒܲܝܬܵܐ ܐܝܼܬܠܗܘܿܢ
ܚܲܕ ܐ݇ܢܵܫܵܐ ܕܝܼܠܹܗ ܒܸܚܵܝܵܐ ܒܕܐܵܗܵܐ ܡܲܪܥܵܐ
ܠܵܐ ܝܠܵܗ̇ ܢܟ݂ܸܦܬܵܐ...
ܝܼܠܹܗ ܡܲܪܥܵܐ ܕܡܲܢܫܵܝܬܵܐ
ܐܵܢܝܼ ܝܵܘܡܵܢܹ̈ܐ ܩܲܕ݇ܡܵܝܹ̈ܐ ܩܵܐ ܕܝ݇ܕܝܼܥܠܝܼ ܕܚܲܕ ܡܸܢܕܝܼ ܠܵܐ ܝܠܹܗ ܕܘܼܙ ܝܼܗܘܵܐ ܩܵܐ ܕܣܵܒ݂ܘܿܢܝܼ ܠܵܐ ܝܗܘܵܐ
ܒܥܵܝܵܐ ܕܦܵܠܸܛ ܗܘܵܐ
ܘܗܲܡܵܫܵܐ ܒܵܥܹܐ ܗܘܵܐ ܗܵܘܹܐ ܗܘܵܐ ܒܒܲܝܬܵܐ ܘܠܲܝܬ ܗܘܵܐ ܠܹܗ ܣܵܘܕܵܐ ܩܵܐ ܚܲܕ ܡܸܢܕܝܼ
ܗ̇ܝ ܥܕܵܢܬܵܐ ܝ݇ܕܝܼܥܠܝܼ ܩܵܐ ܕܚܲܕ ܡܸܢܕܝܼ ܠܵܐ ܝܠܹܗ ܕܘܼܙ، ܫܲܪܘܼܝܐ ܝܠܵܗ̇ ܗܘܵܝܵܐ ܡܲܢܫܵܝܬܵܐ
ܫܘܼܪܹܐ ܠܲܢ ܪܵܒܵܐ ܩܵܠܵܐ ܠܵܐ ܝ݇ܘ݇ܚ ܗܘܵܐ ܥܒ݂ܵܕܵܐ. ܒܸܪܥܵܫܵܐ ܝ݇ܘ݇ܚ ܗܘܵܐ ܩܵܐ ܕܒܸܣܩܵܕܵܐ ܝܠܹܗ،
ܚܸܝܵܠܘܼܗ̈ܝ، ܚܸܝܵܠܘܼܗ̈ܝ ܠܵܐ ܝܢܵܐ ܗܘܵܝܵܐ ܪܵܗܲܬ
ܐܸܢ ܩܵܠܵܐ ܪܵܒܵܐ ܗܘܵܝܵܐ ܝܠܹܗ، ܬܸܠܸܦ̮ܙܝܘܿܢ ܐܸܢ ܬܲܦܘܼܝܘܿܗ̇ ܝ݇ܘ݇ܚ ܗܘܵܐ ܩܵܠܵܐ ܗܘܵܝܵܐ ܝܗܘܵܐ،
ܩܵܐ ܕܗ̇ܘ ܝܼܗܘܵܐ ܪܵܒܵܐ
ܠܘܼܒܸܠܲܢ ܢܵܬܝܵܬܘܼܗ̈ܝ ܡܘܼܚܙܸܝܲܝܗܝ ܠܲܢ، ܐ݇ܡܝܼܪܲܢ ܒܲܠܟܵܐ ܕܢܵܬܝܵܬܘܼܗ̈ܝ ܝܢܵܐ ܘܓ̰ܘܼܪܸܒܠܲܢ، ܠܘܼܒܸܠܲܢ
ܠܕܘܼܟ݂ܬܘܿܪܹ̈ܐ ܘܝ݇ܕܝܼܥܠܲܢ، ܡܘܼܕܸܥܠܗܘܿܢ ܩܵܬܲܢ ܩܵܐ ܕܐܝܼܬܠܹܗ ܐܵܗܵܐ ܡܲܪܥܵܐ ܕܡܲܢܫܵܝܬܵܐ
ܟ̰ܘܼܢܟܹܐ، ܒܲܩܪܝܼܢܝܼ، ܗܲܪ ܗ̇ܝ ܓ̰ܘܼܘܵܒ ܬܪܹܝܢ݇ ܬܠܵܬ݇ܐ ܓܵܗܹ̈ܐ ܒܲܩܪܝܼܠܹܗ ܡܸܢܘܼܟ݂ ܘܐܵܢܝܼ ܠܵܐ ܝܢܵܐ ܒܸܝܕܵܥܝܵܐ
ܩܵܐ ܕܒܲܩܘܼܪܘܼܗܝ ܝܢܵܐ ܬܪܹܝܢ݇ ܬܠܵܬ݇ܐ ܓܵܗܹ̈ܐ ܡܸܢܘܼܟ݂. ܐܲܢ݇ܬܸܢ ܓܵܪܲܓ ܗܵܘܹܐ ܠܘܼܟ݂، ܓܵܪܲܓ ܗܵܘܹܐ ܠܘܼܟ݂ ܒܹܗܢܵܐ
ܘܓܵܪܲܓ ܫܸܚܠܸܦܸܬ ܠܵܗ̇ ܗ̇ܝ ܗܲܡܙܲܡܬܵܐ ܘܗܲܡܙܸܡܸܬ ܒܘܼܕ ܚܲܕ ܡܸܢܕܝܼ ܐ݇ܚܹܪ݇ܢܵܐ، ܝܲܢ ܫܲܚܠܘܼܦܲܝܗܝ ܝ݇ܘ݇ܚ،
ܫܲܚܠܘܼܦܘܿܗ̇ ܝܘܸܚ ܗܲܡܙܲܡܬܲܢ ܩܵܐ ܕܚܸܝܵܠܘܼܗ̈ܝ ܠܵܐ ܡܲܣܩܸܕܸܚܠܗܘܿܢ
ܐܸܢ ܐ݇ܡܵܪܵܐ ܝܠܹܗ ܩܵܐ ܕܝܼܠܵܗ̇ ܡܲܣܬܵܐ ܟܘܼܡܬܵܐ، ܐ݇ܡܵܪܵܐ ܝܘܸܚ ܝܼܠܵܗ̇ ܟܘܼܡܬܵܐ، ܐܘܼܦ ܐܸܢ ܕܝܼܠܵܗ̇ ܚܘܵܪܬܵܐ
ܐܵܗܵܐ ܠܵܐ ܝܠܵܗ̇ ܡܲܣܬܵܐ، ܐܵܗܵܐ ܟܘܼܡܬܵܐ ܝܠܵܗ̇.
ܠܵܐ، ܡܲܣܬܵܐ ܚܘܵܪܬܵܐ ܝܠܵܗ̇. ܠܵܐ ܝܠܵܗ̇، ܠܵܐ ܝܠܵܗ̇ ܡܲܣܬܵܐ، ܟܘܼܡܬܵܐ ܝܠܵܗ̇
ܕܹܐ ܛܥܘܿܡܝ ܠܵܗ̇ ܩܲܕ݇ܡܵܝ. ܐ݇ܡܵܪܵܐ ܝܘܵܢ ܡܲܣܬܵܐ ܝܠܵܗ̇. ܠܹܐ ܒܵܥܝܲܢܵܗ̇، ܟܘܼܡܬܵܐ ܝܠܵܗ̇
ܚܘܵܪܬܵܐ ܝܠܵܗ̇. ܠܵܐ ܠܵܐ. ܟܘܼܡܬܵܐ ܝܠܵܗ̇، ܠܹܐ ܒܵܥܝܲܢܵܗ̇ ܐܵܢܵܐ، ܠܹܐ ܒܵܥܝܲܢܵܗ̇، ܟܘܼܡܬܵܐ ܝܠܵܗ̇
ܓܵܘ ܚܲܝܘܼܬܵܐ ܕܝܼܝܼ ܡ̣ܢ ܒܵܒܝܼ، ܗ̇ܝ ܥܸܕܵܢܵܐ ܕܝܼܘܵܢ ܡܲܥܒ݂ܘܼܪܘܿܗ̇ ܡ̣ܢ ܒܵܒܝܼ، ܒܸܪܥܵܫܵܐ ܝܘܵܢ ܩܵܐ
ܕܒܐܵܗܵܐ ܡܲܪܥܵܐ ܓܵܪܲܓ ܗܵܘܹܐ ܠܘܼܟ݂ ܪܵܒܵܐ ܒܹܗܢܵܐ
ܘܓܵܪܲܓ ܩܲܒܠܹܝܬܸܢ ܩܵܐ ܕܐܝܼܬ ܫܘܼܚܠܵܦܵܐ، ܐܝܼܬܠܹܗ ܡܲܪܥܵܐ، ܗ̇ܘ ܒܲܪܢܵܫܵܐ ܐܝܼܬܠܹܗ ܡܲܪܥܵܐ
ܘܗ̇ܘ ܠܹܐ ܡܵܨܹܐ ܕܫܲܚܠܸܦ، ܐܲܢ݇ܬܸܢ ܓܵܪܲܓ ܫܲܚܠܸܦܸܬ ܒܐܘܼܪ̈ܚܵܬܹܐ ܦܪ̈ܝܼܫܹܐ ܦܪ̈ܝܼܫܹܐ
ܓܵܗܵܐ ܩܲܕܡܵܝܬܵܐ...ܛܲܒܥܵܢ ܐ݇ܢܵܫܵܐ ܕܝܸܡܹܗ ܠܵܐ ܝܠܹܗ ܚܙܵܝܵܐ ܠܵܗ̇ ܡܵܣܵܠܲܢ ܗܵܕܟ݂ܵܐ ܗܘܵܝܵܐ،
ܝܲܥܢܹܐ ܚܲܕ ܝܸܡܵܐ ܐ݇ܚܹܪ݇ܬܵܐ ܫܲܚܠܘܼܦܹܐ، ܪܵܒܵܐ ܙܲܗܡܲܬ ܝܠܵܗ̇
ܐܲܢܹܐ ܚܲܕ ܬܪܹܝܢ݇ ܫܸܢܹ̈ܐ ܒܸܪܵܓ݂݇ܫܵܐ ܝܘܵܢ ܒܫܘܼܚܠܵܦܹ̈ܐ ܕܝܸܡܝܼ
ܥܒ݂ܵܕܵܐ ܚܲܕ ܡܸܢܕܝܼ، ܐ݇ܡܵܪܵܐ ܝܘܵܢ ܝܸܡܝܼ ܩܵܡܘܿܕܝܼ ܥܒ݂ܝܼܕܠܵܟ݂ܝ؟ ܐ݇ܡܵܪܵܐ ܠܵܐ ܝܘܵܢ ܐܵܢܵܐ
ܝܲܢ ܡܲܬܘܼܒ݂ܹܐ ܡܵܣܵܠܲܢ ܩܕܝܼܠܵܐ ܗܘܿܠܹܗ ܓܵܘ ܓ̰ܹܝܒܵܗ̇، ܐ݇ܡܵܪܵܐ ܝܘܵܢ ܐܲܝܟܵܐ ܝܠܹܗ ܩܕܝܼܠܵܐ ܝܸܡܝܼ
ܐ݇ܡܵܪܵܐ ܠܵܐ ܝܠܹܗ ܡܸܢܝܼ
ܝܲܢ ܝܬܝܼܒ݂ܬܵܐ ܓܵܘ ܟܘܼܪܣܝܼ ܘܗܲܪ ܥܲܝܢ̈ܘܿܗ̇ ܥܟ̰ܝܼܡܹ̈ܐ ܛܠܵܝܵܐ، ܘܪܵܒܵܐ ܡܸܢܕܝܼܵܢܹ̈ܐ ܪܓ݂݇ܝܼܫܠܝܼ
ܩܵܐ ܕܐܝܼܬܠܵܗ̇ ܕܸܡܹܢܫܝܵܐ
ܐܲܝܟܵܐ ܝܢܵܐ ܩܕܝܼܠ̈ܝܼ؟ ܛܠܝܼܩܹܐ ܝܢܵܐ ܩܕܝܼܠ̈ܝܼ. ܡܲܫܟ݂ܚܘܼܢ ܠܗܘܿܢ ܩܕܝܼܠ̈ܝܼ. ܡܲܫܟ݂ܚܘܼܢ ܠܗܘܿܢ
ܩܕܝܼܠ̈ܝܼ. ܛܠܝܼܩܹ̈ܐ ܝܢܵܐ ܩܕܝܼܠ̈ܝܼ
ܝܵܬܒ݂ܵܐ ܗܘܵܐ ܠ TV، ܦܲܪܘܼܓ̰ܹܐ TV، ܚܵܙܸܚ ܝܸܡܝܼ ܗܲܡܙܘܼܡܹܐ ܡ̣ܢ.. ܦܵܠܛܵܢ ܗܘܵܐ ܐܝܼܢܵܐ ܝܸܡܝܼ
ܗܲܡܙܘܼܡܹܐ ܡܸܢ ܕܐܲܢܹܐ ܕܝܼܢܵܐ ܓܵܘ TV. ܦ̮ܸܠܡ ܝܼܗܘܵܐ ܝܲܢ ܚܲܕ ܗܵܠܵܩܵܐ، ܗܲܡܙܘܼܡܹܐ ܠܵܐ ܥܒ݂ܘܿܕ ܗܲܕܟ݂ܵܐ،
ܠܵܐ ܠܵܐ ܐܵܗܐ ܗܲܕܟ݂ܵܐ ܝܠܹܗ
ܐܘܼܗ! ܩܵܡܘܿܕܝܼ ܥܒ݂ܝܼܕܠܘܼܟ݂ ܗܲܕܟ݂ܵܐ؟ ܝܲܥܢܹܐ ܗܵܘܝܵܐ ܗܘܵܐ ܗܲܡܙܘܼܡܹܐ ܡܸܢܲܝܗܝ
ܪܓ݂݇ܝܼܫܠܝܼ ܩܵܐ ܕܠܵܐ ܝܠܵܗ̇ ܢܘܼܪܡܵܠ ܡܐܲܝܟ݂ ܩܲܕ݇ܡܬܵܐ. ܒܲܣܵܐ! ܠܵܐ ܦܵܠܫܝܼܬܘܿܢ ܒܸܚܕܵܕܹܐ. ܚܲܕܟ̰ܵܐ
ܠܸܫܵܢܵܟ݂ܝ ܟܸܪܝܵܐ ܗܵܘܹܐ. ܒܲܣܵܐ ܦܵܠܫܲܬܝ ܡܸܢܘܼܗܝ. ܗܲܡܵܫܵܐ ܒܸܦܠܵܫܵܐ ܝܘܲܬܝ ܡܢܘܼܗܝ. ܡܘܼܕ݇ܝ݇ ܗܘܹܐ ܠܵܗ̇.
ܩܵܡܘܿܕ݇ܝ؟ ܥܲܝܒܵܐ ܝܠܹܗ ܐܸܠܵܟ݂ܝ
ܗ̇ܘ ܝܵܘܡܵܐ ܕܚܙܹܐ ܠܝܼ ܝܸܡܝܼ ܦܝܵܫܵܐ ܗܵܕܟ݂ܵܐ، ܦܵܝܫܵܢ ܗܘܵܐ ܢܸܪܒ݂ܘܼܣ
ܝܐܵܡܪܵܢ ܗܘܵܐ ܩܵܡܘܿܕܝܼ ܝܘܲܬܝ ܥܒ݂ܵܕܵܐ ܗܲܕܟ݂ܵܐ؟ ܝܲܥܢܹܐ ܟܵܪܒܵܢ ܗܘܵܐ، ܚܵܫܒ݂ܵܢ ܗܘܵܐ ܒܓܵܢܘܿܗ̇ ܝܠܵܗ̇ ܥܒ݂ܵܕܵܐ
ܐܝܼܢܵܐ ܒܐ݇ܚܵܪܬܵܐ ܢܝܼܚܵܐ ܢܝܼܚܵܐ ܝܕܝܼܥܠܝܼ ܕܠܵܐ ܝܠܵܗ̇ ܡܓܵܢܘܿܗ̇ ܫ̰ܵܪܹܐ ܝܸܡܝܼ. ܐܲܝܵܐ ܝܼܠܹܗ ܚܲܕ ܡܸܢܕܝܼ
ܝܲܥܢܹܐ ܠܵܐ ܝܠܹܗ ܡ̣ܢ ܓܵܢܘܿܗ̇ ܥܒ݂ܵܕܵܐ ܝܠܵܗ̇. ܚܲܕ ܡܸܢܕܝܼ ܡܐܲܝܟ݂ ܡܲܪܥܵܐ ܝܠܹܗ
ܩܘܼܪܸܪܝܼ ܕܠܲܒܠܲܢܵܗ̇ ܠܕܘܼܟ݂ܬܘܿܪ ܚܵܙܝܵܢ ܩܵܐ ܡܘܿܕܝܼ ܝܠܵܗ̇ ܗܘܵܝܵܐ ܗܲܕܟ݂ܵܐ
ܐ݇ܚܹܪ݇ܢܵܐ ܠܵܐ...ܐ݇ܡܝܼܪܝܼ..ܡܲܐܝܟ݂ ܕܐܵܡܪܲܬܝ sad ܝܲܥܢܝܼ ܦܵܝܫܵܢ ܒܚܲܫܵܐ. ܩܵܡܘܿܕܝܼ ܝܠܵܗ̇ ܗܘܵܝܵܐ
ܗܲܕܟ݂ܵܐ. ܠܵܐ ܝܗܘܵܐ ܗܲܕܟ݂ܵܐ. ܕܵܐܟ݂ܝܼ ܦܝܼܫܠܵܗ̇ ܗܲܕܟ݂ܵܐ. ܒܝܼܕܵܥܝܵܐ ܝܘܲܬܝ ܕܵܐܟ݂ܝܼ؟
ܐ݇ܢܵܫܵܐ ܪܓ݂݇ܝܵܫܵܐ ܝܠܹܗ ܩܵܐ ܕܝܸܡܵܐ ܝܼܗܘܵܐ ܝܸܡܵܐ، ܝܲܥܢܹܐ ܟܠ ܡܸܢܕܝܼ ܗ̇ܝ ܥܵܒ݂ܕܵܐ ܗܘܵܐ ܩܵܐܠܝܼ
ܗܵܕܝܼܵܐ ܒܸܪܓ݂݇ܝܵܫܵܐ ܝܘܵܢ ܩܵܐ ܕܗ̇ܝ، ܝܲܥܢܹܐ ܟܠ ܡܸܢܕܝܼ ܡܲܢܫܘܼܝܹܐ ܝܠܵܗ̇، ܠܵܐ ܝܠܵܗ̇ ܒܸܝܕܵܥܝܵܐ
ܟ̰ܘܼ ܡܸܢܕܝܼ، ܝܲܥܢܹܐ ܗܘܵܝܵܐ ܝܠܹܗ ܐ݇ܢܵܫܵܐ ܪܵܒܵܐ ܒܚܲܫܵܐ
ܕܸܡܹܢܫܝܵܐ ܝܼܠܹܗ ܡܲܪܥܵܐ ܕܡܲܢܫܵܝܬܵܐ، ܘܐܵܗܵܐ ܝܼܠܹܗ ܚܲܕ ܚܲܒܪܵܐ ܓܵܘܵܢܵܝܵܐ ܒܸܕ ܚܵܒ݂ܹܫ ܪܵܒܵܐ ܡ̣ܢ ܡܲܪ̈ܥܹܐ
ܦܪ̈ܝܼܫܹܐ ܦܪ̈ܝܼܫܹܐ ܕܡܲܪܥܵܐ ܕܡܲܢܫܵܝܬܵܐ
ܘܐܵܗܵܐ ܡܲܪܥܵܐ ܟܹܐ ܗܵܘܹܐ ܒܘܼܫ ܪܵܒܵܐ ܓܵܘ ܐ݇ܢܵܫܹ̈ܐ ܓܘܼܒ݂ܪܹ̈ܐ ܒܫܸܢܹ̈ܐ. ܐܝܼܢܵܐ ܐܵܗܵܐ ܡܲܪܥܵܐ ܠܵܐ ܝܠܹܗ ܚܲܕ
ܫܘܼܚܠܵܦܵܐ ܥܝܵܕܵܝܵܐ ܕܗܵܘܸܐ ܓܵܘ ܟܠ ܦܲܪܨܘܿܦܵܐ ܕܓܲܪܘܸܣ ܒܫܸܢܹ̈ܐ
ܠܹܐ ܟܠܲܝܗܝ ܐ݇ܢܵܫܹ̈ܐ ܓܘܼܒ݂ܪܹ̈ܐ ܒܸܕ ܗܵܘܹܐ ܠܗܘܿܢ ܐܵܗܵܐ ܡܲܪܥܵܐ. ܚܲܕܟܡܵܐ ܐ݇ܢܵܫܹ̈ܐ ܒܸܕ ܗܵܘܹܐ ܠܗܘܿܢ
ܘܚܲܕܟܡܵܐ ܠܹܐ ܗܵܘܹܐ ܠܗܘܿܢ
ܡܲܪܥܵܐ ܕܡܲܢܫܵܝܬܵܐ ܟܹܐ ܦܵܐܹܫ ܩܸܪܝܵܐ ܕܸܡܹܢܫܝܵܐ، dementia ܒܠܸܫܵܢܵܐ ܕܐܸܢܓܠܸܣ ܘܐܸܕܝܘܿܡ ܒܘܼܕ ܐܵܗܵܐ
ܕܝܼ ܘܝܼ ܕܝܼ ܒܸܕ ܡܲܦܠܸܚܸܚ ܐܲܢܹܐ ܬܪܹܝܢ ܚܲܒܪܵܢܹ̈ܐ ܡܐܘܼܕܵܠܹܐ، ܡܲܪܥܵܐ ܕܡܲܢܫܵܝܬܵܐ ܝܲܢ ܕܸܡܹܢܫܝܵܐ ܒܵܪܵܒܵܪ ܕܐܘܼܕܵܠܹܐ
ܡܲܪܥܵܐ ܕܡܲܢܫܵܝܬܵܐ ܝܲܢ ܕܹܡܸܢܫܝܵܐ ܝܼܠܹܗ ܚܲܕ ܚܲܒܪܵܐ ܓܵܘܵܢܵܝܵܐ ܕܚܵܒ݂ܸܫ ܬܵܗܵܪܹ̈ܐ ܦܪ̈ܝܼܫܹܐ ܡ̣ܢ ܡܲܪܥܵܐ
ܕܡܲܢܫܵܝܬܵܐ
ܘܐܲܢܹܐ ܬܵܗܵܪܹ̈ܐ ܝܼܢܵܐ: ܗ̇ܘ ܩܲܕܡܵܝܵܐ ܝܼܠܹܗ Alzheimer Dementia. ܐܵܗܵܐ ܡܲܪܥܵܐ ܝܼܠܹܗ ܒܘܼܫ
ܦܪܝܼܣܵܐ ܡ̣ܢ ܟܠܲܝܗܝ
ܗ̇ܘ ܕܬܪܹܝ ܝܼܐܵܡܪܸܚ ܠܹܗ Vascular Dementia ܘܗܲܠܒܲܬ ܐܵܢܲܢܩܵܝܬܵܐ ܝܠܵܗ̇ ܕܡܲܕܟ݂ܸܪܵܢ ܕܐܵܗܵܐ
ܡܲܪܥܵܐ ܝܼܗܵܘܹܐ ܓܵܘ ܐ݇ܢܵܫܹ̈ܐ ܕܗܵܘܝܼ ܗܘܸܝܹܐ ܓ̰ܲܠܛܵܐ ܕܵܡܵܓ݂ܝܼܵܐ جلطة دماغية ܐܸܢ ܗܵܘܝܵܐ ܓܘܼܒ݂ܪܬܵܐ ܝܲܢ ܙܥܘܿܪܬܵܐ
ܘܐܲܝܵܐ ܒܘܼܫ ܙܵܘܕܵܐ ܟܹܐ ܗܵܘܝܵܐ ܓܵܘ ܐ݇ܢܵܫܹ̈ܐ ܕܐܝܼܬܠܗܘܿܢ ܡܲܪܥܵܐ ܕܫܹܟܲܪ ܝܲܢ ܕܐܝܼܬܠܗܘܿܢ ضغط الدم
ܝܲܢ blood pressure ܝܲܢ ܐܝܼܬܠܗܘܿܢ ܡܸܫܚܵܐ ܪܵܒܵܐ ܓܵܘ ܕܸܡܲܝܗܝ
ܐܵܢܲܢܩܵܝܬܵܐ ܝܠܵܗ̇ ܪܵܒܵܐ ܕܐܲܢܹܐ ܡܸܢܕܝܼܵܢܹ̈ܐ ܦܵܝܫܝܼ ܒܘܼܣܡܹܐ ܘܡܘܼܕܪܸܣܹܐ ܩܵܐ ܕܠܵܐ ܗܵܘܹܐ ܠܗܘܿܢ ܐ݇ܢܵܫܹ̈ܐ
ܓ̰ܲܠܛܵܐ ܘܗ̇ܝ ܓ̰ܲܠܛܵܐ ܡܘܼܡܟܸܢ ܡܲܥܒ݂ܹܕܵܐ ܡܲܪܥܵܐ ܕܡܲܢܫܵܝܬܵܐ
ܐܘܼܦ ܙܹܐ ܐܵܢܲܢܩܵܝܬܵܐ ܝܠܵܗ̇ ܕܡܲܕܟ݂ܸܪܵܢ ܕܐܝܼܬܸܢ ܬܵܗܵܪܹ̈ܐ ܐ݇ܚܹܪ݇ܢܹ̈ܐ ܕܡܲܪܥܵܐ ܕܡܲܢܫܵܝܬܵܐ ܝܲܢ ܕܕܹܡܸܢܫܝܵܐ.
ܩܵܐ ܛܘܼܦ̮ܣܵܐ، ܝܐܵܡܪܸܚܠܵܗ̇ ܐܲܠܟܘܿܗܘܿܠ ܝܲܢ ܫܬܵܝܬܵܐ ܪܵܒܵܐ ܡܘܼܡܟܸܢ ܥܵܒ݂ܕܵܐ ܟܵܐܪ ܥܲܠ ܡܘܼܚܵܐ
ܟܠ ܡܲܪܥܵܐ ܐܝܼܬܠܹܗ ܢܝܼܫܲܢܩܹ̈ܐ ܕܓܵܢܘܼܗܝ، ܕܝܼܠܵܢܵܝܹ̈ܐ ܕܓܵܢܘܼܗܝ، ܘܟܠ ܦܲܪܨܘܿܦܵܐ، ܐܘܼܦ ܐܸܢ ܕܐܝܼܬܠܹܗ
ܗܲܪ ܗ̇ܘ ܡܲܪܥܵܐ، ܐܝܼܢܵܐ ܡܘܼܡܟܹܢ ܢܝܼܫܲܢܩܘܼܗ̈ܝ ܗܵܘܝܼ ܦܪ̈ܝܼܫܹܐ ܡ̣ܢ ܐ݇ܚܹܪ݇ܢܹ̈ܐ
ܐܝܼܬ ܡܸܢܕܝܼܵܢܹ̈ܐ ܦܪ̈ܝܼܫܹܐ ܦܪ̈ܝܼܫܹܐ، ܩܵܐ ܛܘܼܦ̮ܣܵܐ ܐܲܝܟ݂ ܐ݇ܢܵܫܵܐ ܒܲܠܟܝܼܬ ܫܲܪܹܐ ܗܘܵܝܘܼܗܝ ܫܘܼܚܠܵܦܹ̈ܐ
ܓܵܘ ܪܸܓ݂ܫܹ̈ܐ ܕܕܝܼܹܗ، ܩܵܐ ܛܘܼܦ̮ܣܵܐ ܒܫܲܪܹܐ ܗܘܵܝܵܐ ܢܸܓܵܪܵܢ ܪܵܒ̈ܐ ܒܘܼܕ ܪܵܒܵܐ ܡܸܢܕܝܼܵܢܹ̈ܐ ܓܵܘ ܚܲܝܘܼܬܹܗ
ܝܲܢ ܒܫܲܪܹܐ ܒܸܣܩܵܕܵܐ ܝܲܢ ܒܸܟܪܵܒܵܐ ܓ̰ܲܠܕܹܐ. ܝܲܢ ܚܲܕ݇ܚܲܕ݇ ܓܵܗܹܐ ܐ݇ܢܵܫܵܐ ܡܘܼܡܟܸܢ ܕܓܵܚܸܟ ܡ̣ܢ ܕܠܵܐ ܣܵܒܵܒ
ܝܲܢ ܕܒܵܟ݂ܹܐ ܡ̣ܢ ܕܠܵܐ ܣܵܒܵܒ. ܐܵܢܲܢܩܵܝܬܵܐ ܝܠܵܗ̇ ܩܵܐ ܕܗ̇ܝ ܥܸܕܵܢܵܐ
ܕܝܼܘܸܚ ܒܸܚܙܵܝܵܐ ܐܲܢܹܐ ܢܝܼܫܲܢܩܹ̈ܐ ܓܵܘ ܚܲܕܟܡܵܐ ܦܲܪ̈ܨܘܿܦܹܐ ܕܒܲܝܬܘܼܬܵܐ، ܫܵܩܠܸܚ ܠܹܗ ܗ̇ܘ ܡܲܪܥܵܢܵܐ
ܘܡܲܚܙܸܚܠܹܗ ܩܵܐ ܕܘܼܟ݂ܬܘܿܪ ܩܵܐ ܕܨܲܚܨܹܐ ܠܹܗ ܒܘܼܫ ܪܵܒܵܐ ܘܚܵܙܹܐ ܡܘܿܕܝܼ ܝܠܹܗ ܡܲܪܥܹܗ ܘܕܲܐܝܟ݂ ܡܵܨܹܐ ܗܲܝܸܪܹܗ
ܦܝܼܫܬܵܐ ܝܠܵܗ̇ ܚܙܝܼܬܵܐ ܩܵܐ ܕܦܪܝܼܫܵܐܝܼܬ ܓܵܘ ܡܸܠܲܬܲܢ ܩܵܐ ܕܪܵܒܵܐ ܓܵܗܹ̈ܐ ܝܼܚܵܙܸܚܠܗܘܿܢ ܐܲܢܹܐ
ܢܝܼܫܲܢܩܹ̈ܐ، ܐܝܼܢܵܐ ܠܹܐ ܩܵܒܠܸܚܠܗܘܿܢ ܘܠܹܐ ܗܲܡܸܢܸܚ ܒܝܼܲܝܗܝ
ܝܲܢ ܠܹܐ ܒܵܥܸܚ ܕܩܵܒܠܸܚ ܕܐܵܗܵܐ ܡܲܪܥܵܐ ܐܝܼܬܸܢ، ܗܘܵܝܵܐ ܝܠܹܗ ܓܵܘ ܐ݇ܢܵܫܹ̈ܐ ܕܒܵܥܸܚ ܠܗܘܿܢ ܓܵܘ ܒܲܝܬܵܐ.
ܐܝܼܢܵܐ ܗ̇ܝ ܥܲܣܩܘܼܬܵܐ ܒܘܼܫ ܙܵܘܕܵܐ ܝܼܠܵܗ̇ ܐܸܢ ܐ݇ܢܵܫܵܐ ܠܵܐ ܦܵܐܹܫ ܡܘܼܚܙܸܝܵܐ ܩܵܐ ܕܘܼܟ݂ܬܘܿܪ ܒܥܸܕܵܢܵܐ
ܐܲܝܟ݂ ܚܲܕ ܕܘܼܟ݂ܬܘܿܪ ܐ݇ܚܘܿܢܵܘܵܬ̈ܝܼ ܘܒܢܲܝ̈ ܐܘܼܡܬܝܼ
ܪܵܒܵܐ ܐܵܢܲܢܩܵܝܬܵܐ ܝܠܵܗ̇ ܕܝܵܕܥܝܼܬܘܿܢ ܡܲܪܥܵܐ ܕܕܸܡܹܢܫܝܵܐ ܝܼܠܹܗ ܚܲܕ ܡܲܪܥܵܐ ܕܡܘܼܚܵܐ
ܡܐܲܝܟ݂ ܕܝܼܠܹܗ ܚܲܕ ܡܲܪܥܵܐ ܐ݇ܚܹܪ݇ܢܵܐ ܕܐ݇ܢܵܫܵܐ ܛܲܦܹܐ ܕܦܲܓ݂ܪܵܐ ܕܝܼܹܗ، ܝܼܠܹܗ ܡܲܪܥܵܐ ܕܡܘܼܚܵܐ
ܠܲܐܟ݂ܵܐ ܐܝܼܬܠܲܢ ܪܵܒܵܐ ܫܘܼܬܐܵܣܹ̈ܐ ܕܟܹܐ ܗܲܝܸܪܝܼ ܩܵܐ ܐܵܢܝܼ ܕܝܼܢܵܐ ܡܸܪܥܝܹܐ ܡܲܪܥܵܐ ܕܕܸܡܹܢܫܝܵܐ ܘܩܵܐ ܬܲܓܒܸܪܵܢܹ̈ܐ
ܪܵܒܵܐ ܐܵܢܲܢܩܵܝܬܵܐ ܝܠܵܗ̇ ܕܐܵܙܸܠ݇ܚ ܚܵܙܸܚ ܬܵܡܵܐ ܩܵܐ ܕܡܲܠܦܝܼܠܲܢ ܘܝܵܗܒ݂ܝܼܠܲܢ ܦܘܼܩܕܵܢܹ̈ܐ ܕܲܐܝܟ݂
ܡܬܲܓܒܸܪܸܚܠܹܗ ܐܲܘܵܐ ܐ݇ܢܵܫܵܐ ܓܘܼܒ݂ܪܵܐ ܓܵܘ ܒܲܝܬܵܐ
ܘܗܲܪ ܒܗ̇ܝ ܥܸܕܵܢܵܐ ܝܵܗܒ݂ܝܼ ܦܘܼܩܕܵܢܹ̈ ܩܵܐ ܡܬܲܓܒܸܪܵܢܵܐ ܕܲܐܝܟ݂ ܡܬܲܓܒܸܪܵܗ̇ ܓܵܢܹܗ ܩܵܐ ܕܠܵܐ ܥܲܓ̰ܸܙ
ܘܣܵܩܸܕ ܘܟܵܫܸܟ݂
ܘܗܲܪ ܒܗ̇ܝ ܥܸܕܵܢܵܐ ܗ̇ܘ ܛܵܦܹܐ ܡܲܪ̈ܥܹܐ ܐ݇ܚܹܪ݇ܢܹ̈ܐ ܒܐܘܼܪܚܵܐ ܕܝܼܠܹܗ ܡܗܲܝܘܼܪܹܐ ܘܟܫܵܟ݂ܵܐ ܩܵܐ ܕܗ̇ܘ
ܐ݇ܢܵܫܵܐ ܕܝܼܠܹܗ ܓܵܘ ܒܲܝܬܵܐ ܛܸܦܝܵܐ ܕܸܡܹܢܫܝܵܐ
ܐܲܝܟ݂ ܚܲܕ ܕܘܼܟ݂ܬܘܿܪ ܛܠܵܒܵܐ ܝܘܸܢ ܡܸܢܵܘܟ݂ܘܿܢ ܐ݇ܚܘܼܢܵܘܵܬ̈ܝ ܩܵܐ ܕܐܲܘܵܐ ܡܲܪܥܵܢܵܐ ܕܕܹܡܹܢܫܝܵܐ ܕܝܼܠܹܗ
ܡܲܢܫܘܼܝܹܐ، ܕܠܲܒܠܝܼܬܘܿܢ ܠܹܗ ܠܟܸܣ ܕܘܼܟ݂ܬܘܿܪ ܕܝܼܵܘܟ݂ܘܿܢ
ܗ̇ܘ ܕܘܼܟ݂ܬܘܿܪ ܒܕܵܐ݇ܡܪܝܼܬܘܿܢ ܢܝܼܫܲܢܩܹ̈ܐ ܕܝܼܬܘܿܢ ܒܸܚܙܵܝܲܝܗܝ ܒܗ̇ܘ ܡܲܪܥܵܢܵܐ. ܗ̇ܘ ܒܸܕ ܡܲܚܙܹܐ ܠܵܗ̇ ܐܘܼܪܚܵܐ
ܕܘܼܙ ܕܐܵܙܠ݇ܝܼܬܘܿܢ ܐܸܠܵܗ̇. ܝܲܢ ܒܸܕ ܡܫܲܕܸܪܵܘܟ݂ܘܿܢ ܠܟܸܣ ܚܲܕ ܒܘܼܫ ܝܠܝܼܦܵܐ ܡܸܢܹܗ ܕܡܲܪܥܵܐ ܕܡܘܼܚܵܐ
ܘܐܝܼܬ ܚܲܕܟ̰ܵܐ ܫܘܼܬܐܵܣܹ̈ܐ ܐ݇ܚܹܪ݇ܢܹ̈ܐ ܕܚܘܼܟܡܵܐ ܝܼܗܲܝܸܪܝܼ ܩܵܐ ܕܵܐܢܝܼ ܐ݇ܢܵܫܹ̈ܐ، ܕܝܼܠܵܗ̇ Alzheimers NSW Hotline
ܘܐܝܼܬ ܓܵܘ ܡܲܟ݂ܬܒ݂ܵܐ ܚܲܕ ܚܵܬܲܢ ܡܗܲܝܸܪܵܐ ܠܵܘܟ݂ܘܿܢ ܐܘܼܦ ܗ̇ܝ ܡܵܨܝܵܐ ܐܵܬܝܵܐ
ܘܐܝܼܬ ܚܲܕ ܢܘܿܡܘܿܪ ܕܬܹܠܝܼܦ̮ܘܿܢ ܡܵܨܝܼܬܘܿܢ ܕܡܵܚܹܝܬܘܿܢ ܠܹܗ ܘܛܵܠܒܝܼܬܘܿܢ ܗܲܝܲܪܬܵܐ ܩܵܐ ܕܐܵܬܝܼ ܠܒܲܝܬܵܐ
ܡܘܼܡܟܸܢ ܡ̣ܢ ܕܐܵܢܝܼ ܗܲܝܲܪ̈ܝܵܬܹܐ ܝܼܠܵܗ̇ ܕܫܵܩܠܝܼܠܹܗ ܗ̇ܘ ܐ݇ܢܵܫܵܐ ܐܲܚܘܿܢܵܐ ܘܠܲܒܠܝܼܠܹܗ ܠܚܕܵܐ ܕܘܼܟܬܵܐ ܝܲܢ
ܠܸܚܕܵܪܵܐ
ܝܲܢ ܕܡܲܟ݂ܠܝܼܠܹܗ ܟܵܘܸܬܪܵܐ، ܚܲܕ ܥܸܕܵܢܵܐ ܪܵܒܵܐ ܒܲܣܝܼܡܬܵܐ ܡܲܥܒ݂ܸܪܝܼ ܡܸܚܕܵܕܹܐ ܘܡܲܕܥܸܪܝܼܠܹܗ ܒܵܬ݇ܪ ܕܗ̇ܝܓܵܗܐ
ܠܒܲܝܬܵܐ ܚܕܵܐ ܓܵܗܵܐ ܐ݇ܚܹܪ݇ܬܵܐ
ܐܵܢܵܐ ܝܼܘܵܢ ܡܲܪܠܝܼܢ ܒܵܒܵܚܵܐܢ، ܚܲܕ ܦܲܠܵܚܬܵܐ ܐܵܬܘܿܪܵܝܬܵܐ ܕܚܘܼܠܡܵܢܵܐ ܩܵܐ ܥܲܡܡܹ̈ܐ ܐܵܬܘܿܪܵܝܹ̈ܐ
ܚܲܕ ܣܲܗܡܵܐ ܡ̣ܢ ܫܘܼܓ݂݇ܠܝܼ ܝܼܠܹܗ ܝܵܗܒ݂ܵܠܬܵܐ ܕܡܵܘܕܥܵܢܘܼܝܵܬܹ̈ܐ ܒܘܼܕ ܚܘܼܠܡܵܢܵܐ ܛܵܒ݂ܵܐ ܩܵܐ ܡܸܠܲܬ
ܐܵܬܘܿܪܵܝܬܵܐ
ܪܵܒܵܐ ܥܝܵܕܵܝܬܵܐ ܝܠܵܗ̇ ܓܵܘ ܫܲܘܬܵܦܘܼܬܵܐ ܩܵܐ ܕܗܲܕܟ݂ܵܐ ܡܸܢܕܝܼ ܝܼܛܲܫܝܼܠܹܗ ܒܹܝܠ ܗܲܕܵܡܵܝܘܼܬܵܐ ܕܒܲܝܬܵܐ
ܐܲܚܟ̰ܝܼ
ܘܚܲܕܟܡܵܐ ܒܲܝܬܘܼܝܵܬܹ̈ܐ ܝܲܢ ܟܸܠܦܲܬܹ̈ܐ ܝܼܥܵܒ݂ܕܝܼܠܹܗ ܐܵܗܵܐ ܩܵܐ ܡܸܬܚܵܐ ܕܥܸܕܵܢܵܐ ܪܵܒܵܐ ܝܵܪܝܼܟ݂ܬܵܐ ܘܚܲܕܟܡܵܐ
ܒܲܝܬܘܼܝܵܬܹ̈ܐ ܝܼܛܵܠܒܝܼ ܗܲܝܲܪܬܵܐ ܐܲܚܟ̰ܝܼ ܐܝܼܡܲܢ ܕܐܲܗܘܵܠ ܝܼܡܵܛܝܵܐ ܪܵܒܵܐ ܠܓܵܘ ܩܹܘܲܢܕܹܐܢܪ̈ܣ
ܒܦܲܪܡܵܝܬܵܐ ܕܕܸܡܹܢܫܝܵܐ ܘܬܲܓܒܲܪܬܵܐ ܘܩܲܪܩܲܙܬܵܐ ܪܵܒܵܐ ܡܩܲܕ݇ܡ ܥܸܕܵܢܵܐ
ܒܲܝܬܘܼܬܵܐ ܒܸܕ ܡܵܨܝܵܐ ܕܫܵܩܠܵܐ ܠܚܸܠܡܲܬܹ̈ܐ ܕܡܲܚܫܘܼܚܹܐ ܝܢܵܐ ܩܵܐ ܗܲܝܲܪܬܵܐ ܕܝܼܲܝܗܝ
ܐܲܝܟ݂ ܕܝܵܕܥܸܚ ܐܝܼܬ ܫܘܼܬܐܵܣܹ̈ܐ ܦܪ̈ܝܼܫܹܐ ܩܵܐ ܕܐܵܢܝܼ ܡܵܨܝܼ ܥܵܒ݂ܕܝܼ، ܡܲܩܪܸܒ݂ܝܼ ܚܕܵܐ ܚܸܠܡܲܬ
ܩܵܐ ܕܐܵܗܵܐ ܐ݇ܢܵܫܵܐ ܩܵܐ ܕܗ̇ܘ ܐ݇ܢܵܫܵܐ ܕܝܼܠܹܗ ܬܲܓܒܘܼܪܹܐ ܩܵܐ ܐܲܘܵܐ ܐ݇ܢܵܫܵܐ ܕܐܝܼܬܠܹܗ ܐܵܗܵܐ ܡܲܪܥܵܐ
ܚܲܕ ܡܸܢܲܝܗܝ ܝܼܬܲܢܝܼܠܹܗ Dementia Day Care
ܘܗܵܙܸܪܵܢ ܐܝܼܬܠܲܢ ܐ݇ܢܵܫܹ̈ܐ ܕܝܼܢܵܐ ܦܝܼܫܹܐ ܡܘܼܕܥܸܝܹܐ ܩܵܐ ܕܐܝܼܬܠܗܘܿܢ ܕܸܡܹܢܫܝܵܐ ܕܐܵܙܠ݇ܝܼ ܬܵܡܵܐ
ܘܪܵܒܵܐ ܦܨܝܼܚܹܐ ܝܢܵܐ ܣܵܒܵܒ ܕܝܼܢܵܐ ܫܲܪܘܼܟܹܐ ܡ̣ܢ ܚܲܕܟܡܵܐ ܐ݇ܢܵܫܹ̈ܐ ܐ݇ܚܹܪ݇ܢܹ̈ܐ ܕܐܝܼܬܠܗܘܿܢ ܐܘܼܦ
ܐܵܢܝܼ ܗܲܪ ܐܲܘܵܐ ܡܲܪܥܵܐ ܕܡܲܢܫܵܝܬܵܐ
ܘܒܗ̇ܝ ܥܸܕܵܢܵܐ ܒܸܝܵܗܒ݂ܵܐ ܝܢܵܐ ܦܘܼܪܣܲܬ ܩܵܐ ܕܗ̇ܘ ܕܝܼܠܹܗ ܬܲܓܒܘܼܪܲܝܗܝ ܩܵܐ ܕܗ̇ܘ ܐܵܙܸܠ ܘܐܘܼܦ
ܗ̇ܘ ܢܵܦܸܠ ܒܵܬ݇ܪ ܚܲܝܘܼܬܘܼܗܝ ܚܲܕܟ̰ܵܐ ܐܸܢ ܝܼܠܵܗ̇ ܡ̣ܢ ܓܹܝܒܵܐ ܕܚܘܼܡܠܵܢܵܐ ܝܲܢ ܒܵܥܹܐ ܥܵܒ݂ܸܕ ܫܘܼܓ݂݇ܠܵܢܹ̈ܐ
ܗܘܼܟܡܵܐ ܡܘܼܬܒ݂ܵܐ، ܝܠܹܗ ܝܲܥܢܹܐ ܐܝܼܬܠܹܗ ܙܘܼܙܹ̈ܐ، ܝܘܼܗܒ݂ܵܐ ܝܠܹܗ ܩܵܐ ܕܐܵܢܝ݇ ܫܘܼܬܐܵܣܹ̈ܐ ܩܵܐ ܕܡܲܟܡܸܠܝܼܠܵܗ̇
ܐܲܝܵܐ ܚܸܠܡܲܬ ܩܵܐ ܕܐܲܢܹܐ ܐ݇ܢܵܫܹ̈ܐ
ܚܲܕ ܡ̣ܢ ܕܐܲܢܹܐ ܫܘܼܬܐܵܣܹ̈ܐ ܝܼܠܹܗ، ܝܼܬܲܢܝܼܠܹܗ̇ In Home Respite. ܐܵܢܝܼ ܝܼܐܵܬܝܼ ܓܵܘ ܒܲܝܬܘܼܟ݂،
ܝܼܝܵܬܒ݂ܝܼ ܡܸܢܘܼܟ݂ ܩܵܐ ܚܲܕ ܥܕܵܢܵܐ
ܩܵܐ ܕܗ̇ܘ ܐ݇ܢܵܫܵܐ ܕܝܼܠܹܗ ܬܲܓܒܘܼܪܘܼܟ݂ ܦܵܠܸܛ ܡ̣ܢ ܒܲܝܬܵܐ ܘܐܘܼܦ ܗ̇ܘ ܐܵܙܸܠ ܥܵܒ݂ܸܕ ܐܵܢܝ݇ ܡܸܢܕܝܼܵܢ̈ܐ
ܕܒܵܥܹܐ ܠܗܘܿܢ، ܐܸܢ ܝܼܠܹܗ ܐܵܙܸܠ ܠܒܵܙܵܪ ܝܲܢ ܒܵܥܹܐ ܕܐܵܙܸܠ ܠܒܲܢܟܵܐ
ܚܲܕ ܡܸܢܕܝܼ ܐ݇ܚܹܪ݇ܢܵܐ ܒܵܥܝܵܢ ܕܡܲܕܥܸܝܵܢܵܘܟ݂ܘܿܢ ܩܵܐ ܕܐܸܢ ܐܝܼܬܸܢ ܐ݇ܢܵܫܹ̈ܐ
ܕܐܝܼܬܠܗܘܿܢ ܐܵܗܵܐ ܡܲܪܥܵܐ، ܡܲܪܥܵܐ ܕܡܲܢܫܵܝܬܵܐ ܝܲܢ ܕܸܡܹܢܫܝܵܐ ܘܠܵܐ ܝܢܵܐ ܦܝܼܫܹܐ ܡܘܼܕܸܥܝܹܐ
ܝܬܝܼܒ݂ܹܐ ܝܢܵܐ ܓܵܘ ܒܲܝܬܵܐ ܘܥܟ̰ܝܼܡܹܐ ܝܢܵܐ ܬܲܪ̈ܥܵܢܹܐ ܒܵܬ݇ܪܲܝܗܝ ܘܦܝܼܫܹܐ ܝܢܵܐ ܛܘܼܫܝܹܐ ܘܗܝܼܟ̰
ܚܲܕ ܠܹܐ ܝܵܕܥܹܐ ܒܘܼܕ ܕܝܼܲܝܗܝ
ܒܵܥܸܚ ܝܵܕܥܸܚ ܡܵܢܝܼ ܝܢܵܐ ܐܲܢܹܐ ܐ݇ܢܵܫܹ̈ܐ ܣܵܒܵܒ ܣܢܝܼܩܹܐ ܝܢܵܐ ܠܗܲܝܲܪܬܵܐ
ܒܵܥܸܚ ܡܲܡܛܸܚܠܵܗ̇ ܐܲܝܵܐ ܗܲܝܲܪܬܵܐ ܩܵܐܠܲܝܗܝ. ܝܲܥܢܹܐ ܒܸܐܡܵܪܵܐ ܝܘܸܚ، ܒܸܐܡܵܪܵܐ ܝܘܸܚ ܒܚܲܕ ܠܸܫܵܢܵܐ
ܒܚܲܕ ܠܸܒܵܐ ܦܫܝܼܛܵܐ ܩܵܬܵܘܟ݂ܘܿܢ
ܩܵܐ ܕܡܲܕܥܹܝܡܘܼܢ ܠܲܢ ܡܵܢܝܼ ܝܢܵܐ ܐܲܢܹܐ ܐ݇ܢܵܫܹ̈ܐ؟ ܩܵܐ ܕܡܵܨܸܚ ܕܡܲܡܛܸܚ ܗ̇ܝ ܗܲܝܲܪܬܵܐ ܕܝܼܢܵܐ ܣܢܝܼܩܹܐ،
ܩܵܐܠܵܘܟ݂ܘܿܢ ܩܲܕ݇ܡܬܵܐ
ܕܝܼܬܘܿܢ ܬܲܓܒܘܼܪܲܝܗܝ، ܣܵܒܵܒ ܣܢܝܼܩܹܐ ܝܬܘܿܢ ܠܚܲܕ ܝܘܼܠܦܵܢܵܐ ܩܵܐ ܕܡܵܨܝܼܬܘܿܢ ܬܲܓܒܸܪܝܼܬܘܿܢ
ܠܹܗ ܐܵܗܵܐ ܐ݇ܢܵܫܵܐ
ܘܐܘܼܦ ܗ̇ܘ ܣܢܝܼܩܵܐ ܝܠܹܗ ܠܗܲܝܲܪܬܵܐ ܩܵܐ ܕܡܵܨܝܵܐ ܕܦܵܝܫܵܐ ܡܘܼܡܛܝܼܬܵܐ ܩܵܬܹܗ
ܬܲܚܡܲܢܬܵܐ ܕܐܲܝܟ݂ ܙܕܘܼܥܬܵܐ ܓܵܪܲܓ ܦܵܝܫܵܐ ... ܫܲܚܠܸܦܸܚܠܵܗ̇
ܐܲܝܵܐ ܙܕܘܼܥܬܵܐ ܩܵܐ ܕܠܵܐ ܗܲܡܙܸܡܸܚ ܒܘܼܕ ܕܐܵܗܵܐ ܡܲܪܥܵܐ ܩܵܐ ܕܠܵܐ ܡܲܕܥܸܚ ܩܵܐ ܐ݇ܢܵܫܹ̈ܐ
ܐ݇ܚܹܪ݇ܢܹ̈ܐ ܒܘܼܕ ܐܵܗܵܐ ܡܲܪܥܵܐ ܘܠܵܐ ܐܵܙܸܠ݇ܚ ܠܕܘܼܟ݂ܬܘܿܪ، ܐܘܼܦ ܗ̇ܝ ܓܵܪܲܓ ܦܵܝܫܵܐ ܫܘܼܚܠܸܦܬܵܐ
ܐܸܢ ܗ̇ܘ ܐ݇ܢܵܫܵܐ ܕܝܼܠܹܗ ܡܸܪܥܝܵܐ، ܐ݇ܚܹܪ݇ܢܵܐ ܡܸܪܥܝܵܐ ܝܠܹܗ ܡܸܣܟܹܢܵܐ، ܠܵܐ ܝܠܵܗ̇ ܒܐܝܼܕܘܼܗܝ
ܐܸܢ، ܐܸܢ ܚܲܕ ܐ݇ܢܵܫܵܐ ܐܝܼܬܠܹܗ ܡܲܪܥܵܐ ܕܠܸܒܵܐ، ܕܘܼܝܠܹܗ ܐ݇ܡܵܪܵܐ ܩܵܐ ܕܐܝܼܬܠܹܗ ܡܲܪܥܵܐ ܕܠܸܒܵܐ
ܝܲܢ ܡܲܪܥܵܐ ܕܫܹܟܵܪ ܓܵܘ ܕܸܡܵܐ، ܕܘܼܝܠܹܗ ܗܲܡܙܘܼܡܹܐ ܒܘܼܕ ܕܝܼܹܗ
ܦ̮ܵܐ ܡܲܥܢܵܝܘܼܗܝ ܝܼܠܵܗ̇ ܗܵܕܝܼܵܐ ܐܘܼܦ ܐܲܚܢܝܼ ܓܵܪܲܓ ܫܲܪܸܚ ܗܲܡܙܘܼܡܹܐ ܒܘܼܕ ܐܵܗܵܐ ܡܲܪܥܵܐ
ܩܵܐ ܕܝܼܠܹܗ، ܠܵܐ ܝܠܵܗ̇ ܢܟ݂ܸܦܬܵܐ ܐܸܢ ܗܲܡܙܸܡܸܚ ܒܘܼܕ ܕܝܼܹܗ
ܗܲܕܵܡܹ̈ܐ ܕܫܲܘܬܵܦܘܼܬܵܐ ܘܵܠܹܐ ܝܠܵܗ̇ ܝܲܢ ܘܵܓ̰ܸܒ ܝܼܠܵܗ̇ ܕܦܵܠܚܝܼ ܒܐܸܚܕܵܕܹܐ ܒܐܵܗܵܐ ܦܠܵܛܵܐ ܕܨܲܚܝܼܚܘܼܬܵܐ
ܐܵܢܲܢܩܵܝܬܵܐ ܝܠܵܗ̇ ܫܩܵܠܬܵܐ ܘܝܵܗܒ݂ܵܠܬܵܐ ܡ̣ܢ ܦܲܪܨܘܿܦܵܐ ܕܒܸܚܵܝܵܐ ܝܠܹܗ ܒܕܸܡܹܢܫܝܵܐ ܕܗܵܘܝܵܐ
ܒܟܠ ܥܸܕܵܢܵܐ ܒܚܘܼܒܵܐ ܘܒܐܝܼܩܵܪܵܐ
ܠܵܐ ܢܵܟ݂ܦܸܢ ܐܸܒܹܗ ܘܵܠܵܐ ܡܨܲܘܬܸܢ ܒܲܗܣܹܗ، ܝܲܥܢܹܐ ܗܲܡܙܸܡܸܢ ܒܲܗܣܹܗ ܠܟܸܣ ܐ݇ܢܵܫܹ̈ܐ
ܐܲܝܵܐ ܠܵܐ ܝܠܵܗ̇ ܫܹܐܕܵܢܘܼܬܵܐ. ܐܲܘܵܐ ܝܼܠܹܗ ܚܲܕ ܡܲܪܥܵܐ، ܡܲܪܥܵܐ ܡܐܲܝܟ݂ ܟܠܲܝܗܝ ܡܲܪ̈ܥܹܐ ܕܝܼܠܹܗ
ܝܘܼܗܒ݂ܲܝܗܝ ܐܲܠܵܗܵܐ ܩܵܐ ܒܲܪܢܵܫܵܐ
ܗ̇ܝܓܵܗܐ ܕܚܵܙܝܵܢ ܐ݇ܢܵܫܹ̈ܐ ܕܐܵܡܪܝܼ، ܡܵܣܵܠܲܢ ܝܸܡܝܼ، ܒܵܒܝܼ، ܗܵܕܟ݂ܵܐ ܝܠܹܗ ܗܘܵܝܵܐ
ܝܼܐܵܡܪܵܢ ܠܲܒܠܘܼܢ ܠܹܗ ܕܘܼܟ݂ܬܘܿܪ ܘܐܵܢܝܼ ܒܝܵܕܥܝܼ، ܕܘܼܟ݂ܬܘܿܪ ܒܝܵܕܥܹܐ ܒܸܕ ܐܵܡܸܪܵܟ݂ܝ ܡܘܿܕܝܼ ܝܠܹܗ
ܐܸܢ ܝܼܠܹܗ ܕܸܡܹܢܫܝܵܐ، ܐܲܘܵܐ ܚܲܕ ܡܲܪܥܵܐ ܕܕܸܡܹܢܫܝܵܐ ܝܼܠܹܗ ܩܵܐ ܕܝܵܕܥܸܬ ܕܵܐܟ݂ܝܼ ܕܥܵܒ݂ܕܸܬ ܕܬܲܓܒܸܪܸܬ ܠܹܗ
ܐܵܢܵܐ ܒܵܥܝܵܢ ܕܡܲܕܥܸܝܵܢ ܠܵܘܟ݂ܘܿܢ ܩܵܐ ܕܐܘܼܦ ܐܵܗܵܐ ܡܲܪܥܵܐ ܕܝܼܠܹܗ ܬܦܝܼܩܵܐ ܒܒܵܒܝܼ ܝܼܠܹܗ
ܚܲܕ ܡܲܪܥܵܐ ܡܐܲܝܟ݂ ܟܠܲܝܗܝ ܡܲܪ̈ܥܹܐ ܐ݇ܚܹܪ݇ܢܹ̈ܐ
ܩܵܐ ܕܐܝܼܬܸܢ ܥܲܠ ܦܵܬܵܐ ܕܐܲܪܥܵܐ ܘܐ݇ܢܵܫܵܐ ܠܵܐ ܓܵܪܲܓ ܢܵܟ݂ܸܦ ܘܠܵܐ ܚܵܫܸܒ݂ ܩܵܐ ܕܝܼܠܹܗ
ܚܲܕ݇ ܡܸܢܕܝܼ ܬܲܥܠܲܡܬܵܐ ܕܐܲܠܵܗܵܐ ܩܵܐ ܕܗ̇ܘ ܒܲܪܢܵܫܵܐ. ܟ̰ܘܼܢܟܹܐ ܠܵܐ ܝܠܵܗ̇ ܬܲܥܠܲܡܬܵܐ ܡ̣ܢ ܐܲܠܵܗܵܐ
ܘܝܼܠܹܗ ܡܲܪܥܵܐ ܡܐܲܝܟ݂ ܡܲܪ̈ܥܹܐ ܐ݇ܚܹܪ݇ܢܹ̈ܐ ܘܬܲܓܒܲܪܬܵܐ ܕܐܵܗܵܐ ܡܲܪܥܵܐ ܝܠܵܗ̇ ܩܵܐ ܕܪܲܚܡܹ̈ܐ ܐ݇ܢܵܫܵܐ،
ܒܘܼܫ ܓܵܪܲܓ ܪܲܚܡܹ̈ܐ ܗܵܘܝܼܠܹܗ
ܘܒܘܼܫ ܚܘܼܒܵܐ ܡܲܚܙܝܼܢܝܼ ܘܡܲܥܒ݂ܸܪܝܼ ܥܸܕܵܢܵܐ ܟܡܵܐ ܕܡܵܨܝܼ ܥܲܡ ܕܐܲܘܵܐ ܐ݇ܢܵܫܵܐ
ܐܵܢܵܐ ܗܵܕܝܼܵܐ ܒܸܪܵܓ݂݇ܫܵܐ ܝܘܵܢ ܩܵܐ ܕܪܵܒܵܐ ܡܸܢܕܝܼܵܢܹ̈ܐ ܒܸܠܝܵܦܵܐ ܝܘܵܢ ܡ̣ܢ ܒܵܒܝܼ ܐܘܼܦ ܕܐܸܢ ܒܵܒܝܼ
ܝܼܠܹܗ ܡܲܪܥܵܢܵܐ
ܒܵܒܝܼ ܝܼܠܹܗ ܪܵܒܵܐ ܚܘܼܒܵܢܵܐ، ܝܼܠܹܗ ܗܲܡܸܢܵܢܵܐ، ܝܼܠܹܗ ܗܲܝܸܪܵܢܵܐ
ܐܲܢܹܐ ܡܸܢܕܝܼܵܢܹ̈ܐ ܟܠܲܝܗܝ ܒܸܚܙܵܝܲܝܗܝ ܝܘܵܢ ܡ̣ܢ ܒܵܒܝܼ، ܐܘܼܦ ܐܸܢ ܕܐܝܼܬܠܹܗ ܗ̇ܘ ܡܲܪܥܵܐ
ܐܵܗܵܐ ܡܲܪܥܵܐ ܠܵܐ ܫܘܼܚܠܸܦܠܹܗ ܗܝܼܟ̰ ܡܸܢܕܝܼ ܒܹܝܠ ܐܵܢܵܐ ܘܣܵܒ݂ܘܿܢܝܼ. ܐܵܗܵܐ ܡܲܪܥܵܐ ܗܵܠܵܐ
ܒܘܼܫ ܚܘܼܒܵܐ ܡܘܼܚܙܹܐܠܝܼ ܐܵܢܵܐ ܩܵܐ ܣܵܒ݂ܘܿܢܝܼ
ܐܝܼܡܲܢ ܕܙܥܘܿܪܵܐ ܝܘܸܢ ܗܘܵܐ، ܗܲܡܵܫܵܐ ܩܵܪܸܢ ܗܘܵܐ ܠܹܗ ܣܵܒ݂ܘܿܢܝܼ ܐܲܪܝܵܐ ܘܗܵܠܵܐ ܗܲܕܝܼܵܐ ܕܵܐ
ܗܵܠܵܐ ܕܘܼܝܘܸܢ ܒܸܩܪܵܝܹܗ ܐܲܪܝܵܐ
ܩܵܐ ܕܡܲܒܨܸܪܸܚ ܦܸܪ̈ܣܲܬܹܐ ܕܠܵܐ ܗܵܘܹܐ ܠܲܢ ܐܵܗܵܐ ܡܲܪܥܵܐ
• ܐܵܙܸܠ݇ܚ ܠܨܲܚܨܵܝܵܬܹ̈ܐ ܪܵܒܵܐ ܓܵܗܹ̈ܐ
• ܘܚܵܡܸܚ ܬܲܚܡܲܢܬܲܢ ܠܦܘܼܠܚܵܢܵܐ
• ܘܐܵܟ݂ܠܸܚ ܐ݇ܟ݂ܵܠܬܵܐ ܕܝܼܠܵܗ̇، ܕܝܵܗܒ݂ܵܐ ܠܲܢ ܨܵܚܘܼܬܵܐ ܓܵܘ ܦܲܓ݂ܪܵܐ
• ܘܥܵܒ݂ܕܸܚ ܪܵܒܵܐ ܡ̣ܢ ܥܒ݂ܵܕܹ̈ܐ ܦܲܓ݂ܪܵܢܵܝܹ̈ܐ
• ܘܚܵܙܸܚ ܗܲܕܲܡܹ̈ܐ ܕܒܲܝܬܘܼܬܵܐ ܘܕܘܿܣܬܹ̈ܐ ܪܵܒܵܐ ܓܵܗܹ̈ܐ ܘܗܵܘܸܚ ܫܲܘܬܵܦܵܝܹ̈ܐ
ܐܵܗܵܐ ܕܝܼ ܘܝܼ ܕܝܼ ܡܲܚܙܘܼܝܹܐ ܝܠܹܗ ܗܲܩܝܲܬܹ̈ܐ ܕܚܲܕܟܡܵܐ ܦܲܪ̈ܨܘܿܦܹܐ ܘܚܲܝܘܼܬܲܝܗܝ. ܢܝܼܫܵܐ ܕܐܵܗܵܐ
ܕܝܼ ܘܝܼ ܕܝܼ ܠܵܐ ܝܠܹܗ ܩܵܐ ܕܗܵܘܹܐ ܡܲܒܘܼܥܹ̈ܐ ܚܘܼܠܡܵܢܵܝܹ̈ܐ
ܐܸܢ ܝܼܘ݇ܬ ܒܸܚܙܵܝܵܐ ܝܲܢ ܒܸܚܵܝܵܐ ܝܘܸܬ ܚܲܕ ܡ̣ܢ ܕܐܲܢܹܐ ܢܝܼܫܲܢܩܹ̈ܐ ܝܲܢ ܥܵܕܲܬܹ̈ܐ ܕܦܝܼܫܹܐ ܝܢܵܐ ܗܘܼܡܙܸܡܹܐ
ܒܘܼܕ ܕܝܼܲܝܗܝ ܓܵܘ ܕܐܵܗܵܐ ܕܝܼ ܘܝܼ ܕܝܼ، ܐܸܢ ܙܲܗܡܲܬ ܠܵܐ ܗܵܘܝܵܐ ܪ݇ܚܘܿܫ ܠܕܘܼܟ݂ܬܘܿܪ ܩܵܐ ܕܗ̇ܘ ܡܵܨܹܐ
ܨܲܚܨܹܐ ܠܘܼܟ݂ ܘܝܵܗܒ݂ܸܠܘܼܟ݂ ܢܲܨܝܼܗܲܬ، ܝܲܢ ܡܵܨܸܝܬ ܩܵܪܹܝܬ ܩܵܐ ܕܐܲܢܹܐ ܘܲܟܝܼܠܹ̈ܐ ܕܒܸܕ ܡܲܕܥܸܝܲܚܠܘܼܟ݂ ܒܘܼܕ
ܕܝܼܲܝܗܝ، ܘܐܵܢܝܼ ܒܡܵܨܝܼ ܡܲܚܙܝܼܠܘܼܟ݂ ܡܵܢܝܼ ܝܢܵܐ ܐܵܢܝ݇ ܫܘܼܬܐܵܣܹ̈ܐ ܕܝܼܢܵܐ ܓܵܘ ܕܗ̇ܝ ܕܘܼܟܬܵܐ ܕܝܼܘܸܬ
ܒܸܚܵܝܵܐ ܓܵܘܘܿܗ̇
ܐܸܢ ܒܵܥܸܝܬ ܕܝܵܕܥܸܬ ܐ݇ܚܹܪ݇ܢܵܐ ܘܝܲܢ ܒܵܥܸܝܬ ܗܲܝܲܪܬܵܐ، ܩܵܪܸܝܬ ܩܵܐ ܕܐܲܢܹܐ ܕܘܼܟܵܢ̈ܐ:
ܩܵܪܸܝܬ ܩܵܐ ܡܲܟ݂ܬܒ݂ܵܐ ܕܡܲܪ̈ܗܵܛܹܐ ܐܵܬܘܿܪܵܝܹ̈ܐ . ܢܘܿܡܘܿܪ ܝܼܠܵܗ̇ 9728 2594
ܘܩܵܪܸܝܬ ܩܵܐ Alzhimers Australia - National Dementia Helpline
ܢܘܿܡܘܿܪܲܝܗܝ ܝܼܠܵܗ̇ 1800 100 500
ܘܩܵܪܸܝܬ ܩܵܐ Multicultural Communities Council of Illawarra
ܢܘܿܡܘܿܪ ܕܝܼܲܝܗܝ ܝܼܠܵܗ̇ 4229 7566
ܘܩܵܪܸܝܬ ܩܵܐ Commonwealth Respite and Carelink Centre
ܢܘܿܡܘܿܪ ܕܝܼܲܝܗܝ ܝܼܠܵܗ̇ 1800 052 222
ܘܩܵܪܸܝܬ ܩܵܐ Department of Health and Ageing
ܘܢܘܿܡܘܿܪ ܕܝܼܲܝܗܝ ܝܼܠܵܗ̇ 1800 020 103
- https://pshtest.dementia.org.au/sites/default/files/2023-10/Helpsheet-AboutDementia01-WhatIsDementia-assyrian.pdfܒܘ݂ܬ ܕܸܝܡܸܝܢܫܵܐ (What is dementia?)PDF — 486 kB
ܡܵܘܕܥܵܢܘܼܬܵܐ ܒܘܼܬ ܕܹܡܹܢܫܝܵܐ، ܘܚܲܕܟܡܵܐ ܢܝܼܫܲܢܩܹ̈ܐ ܒܟ݂ܝܼܪܵܝܹ̈ܐ ܕܕܹܡܹܢܫܝܵܐ ܘܫܲܪܲܪܬܵܐ ܒܘܼܬ ܐܵܢܲܢܩܵܝܘܼܬܵܐ ܕܡܬܲܚܲܡܬܵܐ ܐܵܣܝܘܼܬܵܢܵܝܬܵܐ ܕܡܲܪܥܵܐ ܕܠܵܐ ܥܲܪܩܲܠܬܵܐ.
Download - https://pshtest.dementia.org.au/sites/default/files/2023-10/WAYM-Assyrian.pdfܡܘ݂ܥܝ݀ܩܵܐ ܒܘ݂ܬ ܕܘ݂ܟ݂ܪܘ݂ܢܝܵܐ ܕܝ݂ܘܿܟ݂ (Worried about your memory?)PDF — 3.4 MB
ܐܸܢ ܐܲܚܬܘܿܢ ܐܵܘ ܚܲܕ ܚܲܒܝܼܒܵܘܟ݂ܘܿܢ ܐܝܼܬܠܵܘܟ݂ܘܿܢ ܢܹܝܓܵܪܵܢܘܼܬܵܐ ܒܘܼܬ ܫܘܼܚܠܵܦܹ̈ܐ ܓܵܘ ܕܟ݂ܵܪܵܐ ܐܵܘ ܓܵܘ ܣܵܘܕܵܐ ܐܵܘ ܓܵܘ ܬܲܚܡܲܢܬܵܐ، ܐܝܼܬ ܣܢܵܕܬܵܐ ܘܡܵܘܕܥܵܢܘܼܬܵܐ ܠܗܲܝܘܼܪܵܘܟ݂ܘܿܢ.
Download
Transcript
ܒܵܒܝܼ ܝܼܠܹܗ ܐܲܪܝܵܐ
ܒܲܬܪܵܐ ܕܒܲܝܬܵܐ ܐܝܼܬ ܗܘܵܐ ܠܹܗ ܚܲܕ ܐܝܼܠܵܢܬܵܐ ܕܬܘܼܬܵܐ
ܕܵܟ݂ܪܸܢ ܛܲܪ̈ܦܹܐ ܝܼܢܵܬܪܝܼ ܗܘܵܘ ܒܥܸܕܵܢܵܬܹ̈ܐ ܕܟ̰ܝܼܪ̈ܝܼܹܐ ܘܡܲܥܒ݂ܸܪܸܚ ܗܘܵܐ ܣܵܥܲܬܹ̈ܐ
ܓܵܘ ܕܗ̇ܝ ܓܲܢܬܵܐ ܡܬܲܡܘܿܙܹܐ ܡܸܚܕܵܕܹܐ
ܐܵܢܵܐ ܝܼܡܛܲܐܠܸܢ ܗܘܵܐ ܒܛܲܪ̈ܦܹܐ. ܡܸܢܕܝܼ ܕܒܘܼܫ ܒܸܕ ܕܵܟ݂ܪܸܢܹܗ ܝܼܗܘܵܐ ܪܓ݂ܵܫܬܵܐ ܕܚܹܐܪܘܼܬܵܐ
ܘܫܵܒ݂ܸܩ ܗܘܵܐ ܠܝܼ ܕܡܲܬܒ݂ܸܢ ܗܘܵܐ ܐܝܼܕܵܬ̈ܝܼ ܘܐܲܩܠܵܬ̈ܝܼ ܘܨܸܒܥܵܬ̈ܝܼ ܓܵܘ ܟ̰ܝܼܡܲܢܬܘܼ
ܛܲܒ݂ܥܵܐ ܕܐܝܼܕܵܬ̈ܝܼ ܒܸܦܝܵܫܵܐ ܝܠܹܗ ܗܲܠ ܐܸܕܝܘܿܡ ܝܵܘܡܵܐ ܬܵܡܵܐ
ܚܲܕ ܝܵܘܡܵܐ ܚܦܝܼܪܹܗ ܓܵܘ ܕܗ̇ܝ ܟ̰ܝܼܡܲܢܬܘܼ ܚܲܕ ܟ̰ܸܩܘܼܪܬܵܐ
ܩܲܡ ܥܵܒ݂ܸܕܠܵܗ̇ ܦܪܝܼܫܵܐܝܼܬ ܕܡܵܨܸܝܢ ܕܡܲܬܒ݂ܹܢ ܓܵܘܙܹ̈ܐ ܓܵܘܵܗ̇
ܫܵܡܛܸܢܹܗ ܒܸܕ ܟ̰ܵܟܘܼܟܬܵܐ
ܪܵܒܵܐ ܝܼܚܵܡܠܸܢ ܗܘܵܐ ܒܘܼܕ ܕܗ̇ܘ ܡܸܢܕܝܼ
ܒܵܒܵܐ ܝܼܗܘܵܐ ܪܹܫܵܐ ܕܒܲܝܬܘܼܬܲܢ ܘܩܲܡ ܥܵܒ݂ܸܕܠܲܢ ܡܘܿܕܝܼ ܝ݇ܘ݇ܚ ܐܸܕܝܘܿܡ ܝܵܘܡܵܐ
ܟܲܕ ܝܼܘܲܚ ܪܵܒܵܐ ܐ݇ܣܝܼܪܹܐ ܚܲܕ ܒܗ̇ܘ ܐ݇ܚܹܪ݇ܢܵܐ ܘܡܸܠܝܹܐ ܡܸܢ ܚܘܼܒܵܐ ܘܚܢܵܢܵܐ
ܗ̇ܝܓܵܗܐ ܕܝܼܘܸܢ ܗܘܵܐ ܙܥܘܿܪܵܐ، ܝܼܩܵܪܸܝܢ ܗܘܵܐ ܠܹܗ ܐܲܪܝܵܐ
ܝܼܗܘܵܐ ܒܫܵܘܦܵܐ ܕܒܵܒܵܐ ܩܵܬܝܼ ܡ̣ܢ ܣܵܒܵܒ ܢܵܢܝܼ ܥܲܡ ܣܵܒ݂ܝܼ ܩܲܡ ܡܲܩܸܡܝܼܠܲܢ ܒܣܲܗܡܵܐ
ܙܵܘܕܵܐ ܡ̣ܢ ܚܲܝܘܼܬܲܢ ܡ̣ܢ ܣܵܒܵܒ ܐܲܒ݂ܵܗ̈ܝܼ ܟܦܵܠܚܝܼ ܗܘܵܘ ܒܩܸܫܝܘܼܬܵܐ
ܟܕܵܟ݂ܪܸܢ ܐܝܼܕܵܬܹ̈ܗ ܓܘܼܒ݂ܪܹ̈ܐ. ܐܝܼܕܵܬ̈ܝܼ ܝܼܗܘܵܘ ܪܵܒܵܐ ܙܥܘܿܪܹ̈ܐ ܒܲܪܩܘܼܒ݂ܠ ܕܐܝܼܕܵܬܘܼܗ̈ܝ
ܗܝܼܟ̰ ܓܵܗܹܐ ܠܹܐ ܝ݇ܘ݇ܢ ܫܸܡܥ݇ܝܹܗ ܡܨܲܥܘܼܪܹܐ ܩܵܐ ܗܝܼܟ̰ ܒܲܪܢܵܫܵܐ
ܟܠܵܗ̇ ܕܥܸܕܵܢܹܗ ܝܼܡܝܲܩܸܪ ܗܘܵܐ ܓܵܢܹܗ ܘܡܲܣܝܸܡ ܗܘܵܐ ܒܵܠܵܐ ܥܲܠ ܓܵܢܹܗ ܘܐܘܼܦ ܥܲܠܝܼ
ܗ̇ܝܓܵܗ ܕܟܵܪܸܒ ܗܘܵܐ ܡ̣ܢ ܚܲܕ ܕܵܢܵܐ، ܡܵܠܝܵܢܬܵܐ ܝܗܘܵܐ ܕܓܲܫܸܩ ܗܘܵܐ ܥܲܠܹܗ.
ܐܲܘܵܐ ܝܼܗܘܵܐ ܟܠ ܡܸܢܕܝܼ ܕܥܵܒ݂ܸܕ ܗܘܵܐ ܠܹܗ
ܒܵܒܵܐ ܝܼܗܘܵܐ ܐܲܪܝܵܐ! ܐܝܼܢܵܐ ܠܸܒܹܗ ܝܼܗܘܵܐ ܪܵܒܵܐ ܡܪܲܚܡܵܢܵܐ ܘܚܘܼܒܵܢܵܐ ܡܐܲܝܟ݂ ܚܲܕ ܓܲܢ݇ܒܵܪܵܐ ܡܲܥܩܘܼܠ
ܒܵܒܵܐ ܠܹܐ ܡܵܨܹܐ ܕܐܵܙܸܠ ܠܫܘܼܩܵܐ، ܫܵܡܸܛ ܓܵܘܙܹ̈ܐ ܝܲܢ ܡܬܲܡܸܙ ܒܕܐܵܢܝܼ݇ ܛܲܪ̈ܦܹܐ،
ܐܝܼܢܵܐ ܗܲܠ ܐܸܕܝܘܿܡ ܝܵܘܡܵܐ ܒܸܦܝܵܫܵܐ ܝܠܹܗ ܚܵܝܵܐ
ܐܲܘܵܐ ܡܲܪܥܵܐ ܕܡܲܢܫܵܝܬܵܐ ܠܵܐ ܡܫܘܼܚܠܸܦܠܹܗ ܗܝܼܟ̰ ܡܸܢܕܝܼ ܒܹܝܠܝܼ ܘܒܹܝܠ ܒܵܒܵܐ
ܦܝܼܫܵܐ ܝ݇ܘ݇ܢ ܐܵܢܵܐ ܩܪܵܝܵܐ ܐ݇ܠܹܗ ܒܵܒܵܐ ܐܲܪܝܵܐ ܘܗܲܪ ܒܸܕ ܩܵܪܸܢܹܗ
Music